सध्या ग्राफिक डिझाईनसाठी कोरेल ड्रॉ, अॅडोबी इलस्ट्रेटर आणि फोटोशॉप ही सॉफ्टवेअर्स प्रामुख्याने वापरली जातात. ही सॉफ्टवेअर्स लोकप्रिय झाली तशी या कंपन्यांनी लाईफटाईम लायसेन्सीऐवजी सबस्क्रिप्शन पध्दतीने म्हणजे दरमहा सुमारे १७०० रुपये किंवा वार्षिक सुमारे २०००० रुपये वर्गणी या दराने आकारणी सुरु केली. तर कोरेल ड्रॉ ग्राफिक सूटसाठी दरमहा सुमारे २६०० किंवा वार्षिक ३१००० रुपये आकारते.आणि कोरेल ड्रॉ ग्राफिक सूट साठी लाईफटाईम लायसेन्सी ७५००० हजार रुपयांत मिळते.

ज्यांना व्यावसायिक कारणांसाठी या सॉफ्टवेअर्सचा उपयोग करायचा आहे, त्यांचे उत्पन्नही तसेच असल्यामुळे त्यांना या किंमती परवडतात. आणि काही छोट्या व्यावसायिकांना त्या परवडत नसल्यातरी अधिकृतपणे सॉफ्टवेअर्स वापरण्यासाठी तितके पैसे खर्च करावेच लागतात.

मात्र ज्यांचा उपयोग व्यावसायिक कारणांसाठी नसून हौसेखातर आहे, आणि त्यांची इच्छा असली तरी ते इतके पैसे या सॉफ्टवेअर्सवर खर्च करु शकत नाहीत. अशा लोकांसाठी माफक किंमतीत या सॉफ्टवेअर्सचे इतर पर्याय उपलब्ध आहेत. त्यापैकी inkscape हे open source असून ते पूर्णतः मोफत उपलब्ध आहे. आणि इतर पर्यायापैकी Affinity Designer हे vector graphic software साडेचार हजार रुपये इतक्या माफक किंमतीत उपलब्ध आहे.

Affinity Designer डाऊनलोड करुन त्याची दहा दिवस मोफत चाचणी घेता येते. मी डाऊनलोड करुन घेतले होते, त्यावेळी त्याची किंमत ३९९९ रुपये इतकी दर्शवत होती. त्यानंतर दहा दिवस पूर्ण होण्याआधीच त्याची किंमत ४४९९ इतकी झालेली दिसली.

पण आता सध्या त्या Serif कंपनीने ब्लॅक फ्रायडे ऑफर मध्ये त्यांच्या सर्व उत्पादनावर ३०% सवलत जाहिर केली आहे. त्यामुळे या सवलतीत Affinity Designer हे केवळ ३०९९ रुपयांत खरेदी करता येऊ शकेल. त्यातूनही आणखी एक फायदा करुन घ्यायचा असल्यास buy now च्या खाली scroll down केल्यास तिथे खाली Also available from Microsoft Store अशी एक सूचना दिसेल त्यापुढे Get from Microsoft असा चौकोन दिसेल त्यावर क्लिक केल्यास Microsoft store चे पेज ओपन होईल. तिथे हेच Affinity Designer २७९९.३० इतक्या किंमतीत खरेदीसाठी उपलब्ध असल्याचे दिसेल.

Serif कंपनीच्या Affinity Designer ची काही वैशिष्ट्ये अशी की, याला कमी जागा लागते, कमी वेळात चालू बंद होते, Vector आणि Raster या दोन्ही मोडवर सिंगल क्लिकमध्ये जाता येते, अनलिमिटेड आर्टबोर्ड, Eps, jpeg, pdf, svg, psd, png, tiff, gif इत्यादी सगळ्या प्रकारच्या फाईल फॉरमॅटस् ना सपोर्ट करते. 

याची किंमत ही लाईफटाईम लायसेन्सीची असून, अपडेटस चा सपोर्ट आहे. याच कंपनीची Affinity photo, publisher अशी आणखीही सॉफ्टवेअर्स उपलब्ध आहेत. ज्यांना याविषयी कल्पना नाही, त्यांच्यापर्यंत ही माहिती पोहोचावी हा या लेखामागचा हेतू आहे. ज्यांना स्वारस्य असेल त्यांनी दहा दिवसांची मोफत चाचणी आवृत्ती डाऊनलोड करुन घेऊन, वापरुन बघायला हरकत नाही. कंपनीने दिलेली ही खास ३० टक्के सवलत ६ डिसेंबर २०२० पर्यंत सुरु असेल. खाली लिंक दिली आहे.

सदर सॉफ्टवेअर विषयी ट्युटोरियल्स युट्युबवर उपलब्ध आहेत.

https://affinity.serif.com/en-us/