आगळं! वेगळं !!!

अपरोक्ष होणारे मोबाईल कॉल्स कसे टाळावेत

HOW TO STOP UNWANTED OUTGOING CALLS

काही वेळेला आपणांवर असा प्रसंग येतो की, नाईलाजास्तव का होईना पण आपला मोबाईल काही काळ दुसऱ्याच्या स्वाधीन करण्याची पाळी येते. पण त्या काळात त्या व्यक्तीने किंवा इतरांनी आपल्या मोबाईलवरुन कॉल्स करु नयेत अशी आपली मनोमन इच्छा असते. पण समोरच्या व्यक्तीला तसे स्पष्ट सांगण्याचे धाडस आपल्याला होत नाही, किंवा तसे सांगून त्याची नाराजी ओढवून घेणे आपल्याला परवडणार नसते.
प्रसंगानुसार काही काळ मोबाईल तर दुसऱ्याच्या स्वाधीन करायचा आहे, पण लॉक करुन दिला तर समोरच्या व्यक्तीवर विश्वास नाही हे स्पष्ट होते, ते टाळायचे आहे. आणि समोरची व्यक्ती अशी आहे की, तिला बॅलन्स कमी आहे, नेटवर्क प्रॉब्लेम आहे अशा सबबी सांगून उपयोग होणार नाही.
मग अशा परिस्थीत एक अशी युक्ती करावी लागेल, की जी कुणाच्याही लक्षात येणार नाही. आणि आपल्या मोबाईल वरुन आपल्या अपरोक्ष कॉल्सही होणार नाहीत. आता येथे जी ट्रीक सांगितली आहे, ती  सॅमसंग कंपनीच्या हँडसेटवर टेस्ट केलेली आहे.
ट्रीक
मेनू मधून सेटींग्जमध्ये जा. त्यातून अप्लीकेशन सेटींग्जमध्ये जाऊन कॉल हा पर्याय निवडा. त्यातील ऑल कॉल्स पर्याय निवडून शो माय नंबर पर्याय निवडा. त्यात 1) बाय नेटवर्क, 2) सेन्ड व 3) हाईड असे तीन पर्याय दिसतील. त्यापैकी हाईड पर्याय चेक करा व सेव्ह करा.
Menu > Settings>Application Settings>Call>All Calls>Show My Number>1)By Network 2)Send 3)Hide>Check Hide and Save.
आता या मोबाईलवरुन तुम्ही कोणत्याही क्रमांकावर कॉल लावण्याचा प्रयत्न करा. तुम्हाला नेटवर्कचा कोणताही संदेश ऐकू येणार नाही, तर फक्त एरर टोन ऐकू येईल आणि मोबाईलच्या स्क्रीनवर Service Not Allowed असा संदेश दिसून कॉल डिसकनेक्ट होईल.
या मोबाईल वरुन कॉल्स का करता येत नाहीत याचा कुणीही शोध घेण्याचा प्रयत्न केला तरी, सेटींग्ज मध्ये केलेल्या या बदलामुळे कॉल्स लागत नाहीत हे इतरांच्या लक्षात येणे कठीणच आहे.
आपले काम झाल्यावर व मोबाईल पुन्हा आपल्या ताब्यात घेतल्यानंतर पूर्ववत By Network हा पर्याय चेक करुन सेव्ह करायला विसरु नका.


टीप : या ट्रीकचा आणखीन एक उपयोग स्वतःसाठीसुध्दा करता येऊ शकेल. समजा तुमच्या मोबाईलवर फ्री कॉल्सचा एखादा पॅक सुरु आहे, पण मधूनच उपटणारे व्हॅलेंटाईन डे सारखे ब्लॅक आऊट डेज आपल्या लक्षात येत नाहीत. आणि त्यादिवशी फ्री समजून केलेल्या कॉल्सचे पडलेले बिल पाहून आपणाला हळहळ वाटते. तर अशा ब्लॅक आऊट डे दिवशी स्वतः कडून किंवा आपल्या कुटुंबातील सदस्यांकडून सुध्दा अनावधानाने कॉल्स होऊ नयेत यासाठी सुध्दा याचा कल्पकतनेने उपयोग करता येऊ शकेल.

मोबाईलवरुन फ्री बोलत रहाण्याची ट्रीक

How to get free Talktime?


मोबाईलवरुन फ्री बोलत रहाण्याची ट्रीक


शीर्षक वाचून विचारात पडलात ना? पण असे घडू शकते. तुम्ही तुमच्या प्रीपेड मोबाईल वरुन महिनेच्या महिने फ्री बोलत राहू शकता अगदी कोणत्याही नेटवर्कवर. ही हॅकींग ट्रीक नाही किंवा कोणतीही बेकायदेशीर कृतीही नाही. उत्सुकता वाढली ना, चला तर मग सांगूनच टाकतो हे कसं शक्य आहे ते.
या युक्ती लाभ कुणालाही घेता येईल, मात्र त्यसाठी तुमच्याकडे TATA DOCOMO कंपनीचे प्रीपेड कनेक्शन असणे आवश्यक आहे. आणि रुपये 251 एकवेळेस खर्च करावे लागतील. (पण ज्यांच्याकडील मोबाईल मध्ये आधीच 251 रुपयांहून अधिक बॅलन्स शिल्लक असेल, त्यांनी तर डायरेक्ट ही ट्रीक वापरावी, त्यानी पुन्हा 251 रुपये वेगळे खर्च करण्यची गरज नाही.) TATA DOCOMO चे एक 251 रुपयांचे Combo voucher आहे. ते रिचार्ज केल्यास 251 रुपयांचा पूर्ण टॉकटाईम मिळतो, व त्याची Validity लाईफटाईम आहे, आणि त्यासोबत 30 दिवसांसाठी TATA To TATA नेटवर्कसाठी 250 मिनीटे (15,000 सेकंद) व  इतर सर्व नेटवर्ककरितां लोकल 250 मिनीटे (15,000 सेकंद) असे एकूण 500 मिनीटे म्हणजेच 30,000 सेकंद फ्री मिळतात.
आता तुम्ही म्हणाल की, हे रिचार्ज केल्यावरच जर हे 30,000 सेकंद मिळत असतील तर मग त्यात काय विशेष. पण विशेष तर पुढच्या ट्रीकमध्येच आहे. सर्वप्रथम तुम्हाला एकवेळेस हे 251 रुपयांचे रिचार्ज करावे लागेल. त्यानंतर 30 दिवस मनसोक्त बोलून या फ्री 30,000 सेकंदांचा आनंद घ्या (अर्थातच फ्री सेकंदांच्या मर्यादेत राहून, आणि जर का त्याहून अधिक बोलणे झाले तर बॅलन्समधून वजा होतील).
आता असं बघा की, तुम्ही 251 रुपये एकदाच खर्च केले आहेत. तेही टॉकटाईमच्या रुपाने तुम्हाला परत मिळाले आहेतच, आणखीन वर 30,000 सेकंद फ्री. म्हणजेच तुमचा एक पैसाही खर्च झालेला नाही. पण टॉकटाईमध्ये गुंतला आहे इतकेच.

आता वेळ झाली आहे ट्रीक वापरण्याची
 
  • कंपनीच्या वेबसाईटवर जाऊन ऑनलाईन रिचार्ज हा पर्याय निवडा

तुम्ही पहिले 251 रुपयांचे रिचार्ज केल्यानंतर 30 दिवसा नंतर एक पैसाही खर्च न करता हे 30,000 सेकंद पुन्हा पुन्हा कसे मिळवायचे ते पहा. 251 रुपयांचे रिचार्ज करण्यापूर्वी तुमचा आधीचा थोडाफार बॅलन्स निश्चीतच शिल्लक असेल. आणि तुमचे या महिन्यातील बोलणे फ्री सेकंदांच्या मर्यादेत झाले असे गृहित धरले तर, तुमच्या मोबाईल अकाउंटमध्ये 251 रुपयांहून अधिक बॅलन्स शिल्लक होता तो तसाच आताही असणार आहे. आता पुन्हा तुम्हाला हे 30,000 सेकंद फ्री मिळण्यासाठी पुन्हा 251 रुपयांचे रिचार्ज करणे आवश्यक आहे. पण त्यासाठी प्रत्यक्ष 251 रुपये तुम्ही आता पुन्हा खर्च करण्याची गरज नाही.
ट्रीक
 तर त्यासाठी तुम्ही TATA DOCOMO कंपनीच्या वेबसाईटवर जाऊन ऑनलाईन रिचार्ज हा पर्याय निवडायचा आहे. तेथील बॉक्समध्ये तुमचा मोबाईल नंबर टाईप केल्यावर तीन पर्याय दिसतील त्यापैकी Special Recharge हा पर्याय निवडून त्यातील रु.251 चे व्हाऊचर सिलेक्ट करा. त्यानंतर पेमेंटचे 1)  Pay by Your Current Mobile Balance व 2) Pay by Net banking, Credit/debit card असे दोन पर्याय तुम्हाला दिसतील त्यापैकी 1) Pay by Your Current Mobile Balance या पर्यायाची निवड करा. त्यानंतर एक व्हेरीफिकेशनचा कोड नंबर तुमच्या मोबाईलवर एसएमएसने प्राप्त होईल. तो कोड साईटवर दिसत असलेल्या बॉक्समध्ये टाईप करा. म्हणजे रिचार्जची प्रक्रिया पूर्ण होईल.
  
  • तीन पर्यायापैकी Special Recharge हा पर्याय निवडा

  • त्यापैकी रु.251 चे व्हाऊचर सिलेक्ट करा

  • पेमेंटसाठी Pay by Your Current Mobile Balance हाच पर्याय निवडा

आता तुम्ही तुमचा बॅलन्स चेक करा म्हणजे तुम्हाला कळून येईल की, काय घडले आणि काय बिघडले ते. खरे तर काहीच घडले नाही. तुमच्याच बॅलन्समधून 251 रुपये वजा झाले आणि पुन्हा तेच पूर्ण टॉकटाईम म्हणून तुमच्या बॅलन्समध्ये जमा झाले. आणि पुन्हा 30 दिवसांकरिता 30,000 सेकंद फ्री मिळाले. म्हणजेच ही युक्ती वापरल्यामुळे पुन्हा एक पैसाही खर्च न करता 30,000  सेकंद फ्री मिळाले, आणि बॅलन्स आहे तेवढा आहेच. याप्रमाणे दर महिन्याला ही ट्रीक वापरुन तुम्ही काहीही खर्च न करता फ्री बोलत राहू शकता.
महत्वाचे अपडेट : दि. 28 फेब्रु. 2013 पासून या ट्रीकसाठी आवश्यक असलेला Pay by Your Current Mobile Balance हा पर्याय कंपनीने काढून टाकला आहे. त्यामुळे आता ही ट्रीक निरुपयोगी ठरली आहे. वाचकांनी याची नोंद घ्यावी.

कोणत्याही सॉफ्टवेअरशिवाय मराठीतून टाईप कसे करावे

संगणकावर मराठीतून टाईप कसे करावे

[कोणत्याही सॉफ्टवेअरशिवाय]

photo credit: alcomm via photo pin cc

संगणकावर मराठीतून टाईप करण्यासाठी ऑनलाईन आणि ऑफलाईन असे दोन पर्याय उपलब्ध आहेत. त्यापैकी ऑनलाईन हा पर्याय इंटरनेट सुरु असल्याशिवाय वापरता येत नाही, त्यामुळे तो खर्चिक आहे. दुसऱ्या ऑफलाईन पर्यायच्या माध्यमातून संगणकावर मराठीतून टाईपिंग करायचे असेल तर गुगल मराठी इनपुट, बराहा, गमभन यासारख्या वेगवेगळ्या सॉफ्टवेअर्सची मदत घ्यावी लागते. पण यापैकी एकही सॉफ्टवेअर इन्स्टॉल न करता संगणकावर मराठीतून टाईपिंग करण्याची एक सोपी पध्दतसुध्दा आहे, जी आज आपण येथे पहाणार आहोत.

ताटली-बाटली, नोट वाटली

ताटली-बाटली, नोट वाटली

डिझेल भडकेल, रिटेलवरुन तुटेल
होरपळलेली जनता खाली खेचेल
विरोधक उगळतील कोळसा
घटक पक्ष काढतील राजीनामाअस्त्र
कशाचीच चिंता काँग्रेस करत नाही

पंचवार्षिक असो वा मध्यावधी
ताटली-बाटली, नोट वाटली संस्कृती
मतदारांनी जोवर आहे स्विकारली
लिहून ठेवा येणारी निवडणूकही
काँग्रेसने खिशातच घातली

वाचकांच्या सोयीसाठी Table Of Contents

Table Of Contents

(वाचकांच्या सोयीसाठी)


photo credit: ayalan via photo pin cc
 
आगळं! वेगळं!!! वर आपणाला हवी असलेली मागील पोस्ट शोधून वाचणं थोडसं त्रासदायक होत होतं. पण ते काम आता अधिक सोपं झालं आहे. आगळं! वेगळं!!! वर सुरुवातीपासून आजवर प्रसिध्द झालेल्या सर्व पोस्टची सविस्तर म्हणजे Post Title, Post Date, Labels नुसार यादी आता आपण मेनूबारवरील All Posts या लिंकवर क्लिक करुन वाचू शकाल.

टॉरेन्ट फाईल डाऊनलोड करा इंटरनेट डाऊनलोड मॅनेजरव्दारे

बरीचशी सॉफ्टवेअर्स, मूव्हीज आणि गेम्स आपल्याला टॉरेन्ट फाईलच्या माध्यमातून मिळतात. पण या टॉरेन्ट फाईल डाऊनलोड करण्यासाठी बराच वेळ लागतो. आणि तो कालावधी सीडस् आणि इतर काही गोष्टीवर अवलंबून असू शकतो. तसे पहाता टॉरेन्ट फाईल डाऊनलोड करणे ही एक प्रदिर्घ आणि वेळखाऊ प्रक्रिया आहे असे म्हटले तरी वावगे ठरणार नाही. निदान मोबाईलच्या माध्यमातून 2G च्या मंदगतीने इंटरनेटचा वापर करणारांना तरी हे विधान लागू पडते.


तरी पण ही कंटाळवाणी प्रक्रिया टाळून त्याऐवजी याच टॉरेन्ट फाईल्स आपणाला इंटरनेट डाऊनलोड मॅनेजरव्दारे अधिक वेगाने व जलदरित्या डाऊनलोड करुन घेणे शक्य आहे. त्यासाठी या वेबसाईटवर जाऊन तेथील बॉक्समध्ये टॉरेन्ट फाईलची लिंक किंवा मॅग्नेट लिंक पेस्ट करावी व गो वर क्लिक करुन नंतर फ्री वर क्लिक करावे. त्यानंतर आपण ही .झीप मध्ये रुपांतरीत झालेली टॉरेन्ट फाईल  इंटरनेट डाऊनलो़ड मॅनेजरव्दारे वेगाने डाऊनलोड करुन घेऊ शकतो.

अंतरजालावर संचार करा अनामिकपणे

अंतरजालावर संचार करताना आपली ओळख म्हणजे आपल्या संगणकाचा आय.पी. हीच असते. अंतरजालावर संचार करताना आपल्या संचार करण्याच्या सवयींवर बऱ्याच वेबसाईटस वॉच ठेवून असतात. आपण कुठल्या संकेतस्थळांना वारंवार भेट देतो, गुगल सारख्या शोध यंत्राच्या माध्यमातून कशाचा शोध घेतो, अंतरजालावरील आपल्या आवडी-निवडी काय आहेत, कोणत्या गोष्टीबद्दल विशेष रुची आहे अशा अनेक गोष्टींची टेहळणी आपल्या परस्पर केली जात असते. आपल्या दृष्टीने या नसत्या उठाठेवी आहेत, पण

तात्पुरता ईमेल आयडी कसा मिळवाल?

इंटरनेटवरुन आपण नियमितपणे आपल्याला आवश्यक असलेली विविध प्रकारची सामग्री डाऊनलोड करुन घेत असतो. पण बऱ्याच वेळेस, बऱ्याच वेबसाईटवर डाऊनलोड करण्यासाठी रजिस्ट्रेशनही अनिवार्य असते. अशा ठिकाणी भविष्यात त्रासदायक ठरु शकणाऱ्या व नको असलेल्या ईमेलचा भडिमार टाळण्यासाठी आपला खरा ईमेल आयडी देण्याची आपली इच्छा नसते, पण रजिस्ट्रेशनसाठी तो तर द्यावाच लागतो.

मग अशावेळी वेळ मारुन नेण्यासाठी जर तात्पुरता ईमेल आयडी आपल्याला उपलब्ध झाला तर किती बरे होईल? असा विचार तुमच्या मनात येत असेल. आणि तसा तात्पुरता ईमेल आयडी आपणाला उपलब्ध होऊ शकतो. त्याचीच माहिती आज आपण येथे घेणार आहोत.

Internet Security फक्त आजच रु.69/- मध्ये



शॉपक्लूज या संकेतस्थळावर वनडे स्पेशल सेल म्हणून TrustPort Internet Security हे सॉफ्टवेअर फक्त आजचा दिवस रु.69/- या नाममात्र दरात उपलब्ध आहे. व रु.30/- शिपींग चार्जेस अधिक लागतील, म्हणजेच सिंगल यूजर सिंगल पीसीसाठी ही इंटरनेट सिक्युरीटी रु.99/- मध्ये फक्त आजच मिळत आहे.

याची सेलींग प्राईस रु.240/- असून सवलत मिळण्यासाठी चेकआऊट प्रोसेसमध्ये SCTP69 हा कूपन कोड बॉक्समध्ये टाईप करुन वर क्लिक करावे. व तो लागू झाल्याची खात्री रु.99/- दिसत असल्यावरुन करावी.

TrustPort Internet Security चा तपशील याप्रमाणे आहे.

ऑनलाईन शॉपींगसाठी एक किफायतशीर वेबसाईट

मला काही दिवसांपूर्वी वायफाय राऊटर खरेदी करायचा होता. त्यादृष्टीने मी इंटरनेटवर शोध घेतला. शेवटी बेल्कीन कंपनीचे एक मॉडेल पसंत केले. मग ऑनलाईन खरेदी करण्यासाठी ऐकिवात असलेल्या FlipCart(बंगळूरुस्थित) या साईवर मी पसंत केलेल्या मॉडेलची किंमत या साईटवर रु.2273 (सर्व करांसहित व फ्रि होम डिलेव्हरी) इतकी दिसली. मी खरेदी करण्याचे ठरविले आणि ऑर्डर प्लेस करण्याचा प्रयत्न केला परंतु चेकआऊट प्रोसेसमध्ये मी रहात असलेल्या शहराच्या पिनकोड क्रमांकासाठी सेवा देण्यास असमर्थ असल्याचा संदेश कंपनीने दाखविला. ते उत्पादन मिळण्यासाठी मी पत्ता बदलू शकतो हे नमूद करायला कंपनी विसरली नाही. मी थोडासा नाराज झालो.

मग इंटरनेटवर पुन्हा शोध सुरु झाला. letsbuy (गुरगांव हरियाणास्थित) या वेबसाईटवर याच मॉडेलची किंमत रु.2099 (सर्व करांसहित व फ्रि होम डिलेव्हरी) आढळली, पण तिथेही वर उल्लेखलेली गोष्टच अडचणीची ठरली. bitfang (मुंबईस्थित) या वेबसाईटवर याच मॉडेलची किंमत रु.2050 इतकी दिसली. पण डिलेव्हीरी चार्जेसचा आधी कुठेही उल्लेख न करता, अगदी ऐनवेळी चेकआऊट प्रोसेसमध्ये रु.150 डिलेव्हरी चार्जेस अॅड केलेले दिसल्यामुळे मी येथे खरेदी करणे टाळलेprimeabgb (लॅमींग्टन रोड,मुंबईस्थित) या वेबसाईवरील किंमती योग्य वाटल्या, पण तेथे बेल्कीन कंपनीचे प्रॉडक्टच आढळले नाही.

शोध घेता घेता फारसे नांव ऐकिवात नसलेली discountsvu (चेन्नईस्थित) वेबसाईटवर या मॉडेलची किंमत रु.1999 (सर्व करांसहित व फ्रि होम डिलेव्हरी) दिसून आली. पण या कंपनीचे, वेबसाईटचे नांव ऐकिवात नसल्याने मनात धाकधूक होती. फसवणूक होईल का अशी शंका वाटत होती. त्या वेबसाईटवरील ग्राहकांच्या शिफारसी (Testimonials) वाचल्या, आणि धाडस करण्याचे ठरविले. या वेबसाईवर मात्र माझ्या पत्त्यासाठी डिलेव्हरीची अडचण आली नाही. मी बेल्कीनचा वायफाय राऊटर या वेबसाईटवरुन ऑनलाईन खरेदी केला.

त्यांनीही उत्तम पॅकींग करुन ते प्रॉडक्ट डीटीडीसी कुरीयरने त्याचदिवशी रवाना केले. व तसे मला ईमेलने त्वरित कळविले. त्यामुळे कुरीयर कंपनीच्या वेबसाईटवर ते पार्सल कुठपर्यंत आले आहे, त्याचे ट्रॅकिंग मला करता येत होते. 3 फेब्रुवारीला खरेदी केलेले प्रॉडक्ट मला मध्ये आलेला सुट्टीचा दिवस रविवार धरुन चौथ्या दिवशी म्हणजे 6 फेब्रुवारी रोजी मिळालेही. अस्सल (Genuine) प्रॉडक्ट, व्हॅट टॅक्स पेड बिलासहित उत्तम पॅकींगमध्ये व विनाविलंब मिळाले. तेही इतर सर्व ऑनलाईन शॉप्सपेक्षा अत्यंत कमी किंमतीत व कोणत्याही छुप्या चार्जेसशिवाय. आणि सर्वात महत्वाचे म्हणजे माझ्या पिनकोडसाठी या वेबसाईटवर कोणतीही अडचण आली नाही.

मला आलेला हा ऑनलाईन शॉपींगचा अनुभव मी आपणांपुढे मांडला आहे. असे अनुभव शेअर करण्यामुळे इतरांनाही त्याचा फायदा होऊ शकतो, किंवा इतरांना याबाबत काही वाईट अनुभव आले असल्यास आपणही सावध होऊ शकतो असे मला वाटते.

फेसबुक टाईमलाईन साठी जरा हटके कव्हर


तुमच्या फेसबुक वरील टाईमलाईन साठीचे तुमचे कव्हर जरा हटके असावे असे तुम्हाला वाटत असेल तर, या साईटचा उपयोग करुन पहा. या साईटवरील गेट स्टार्टेड या बटनावर क्लिक करुन तुमचे फेसबुक अकाउंट अॅक्सेस करायला परवानगी दिल्यावर, ही साईट तुमच्या प्रोफाईलमधील फोटो व तुमचे नांव यांचे वेगवेगळ्या प्रकारे मिक्सिंग केलेले अनेक नमुन्यांचे कव्हरचे प्रिव्ह्यू तुम्हाला दाखवते. तर त्याखाली असलेला रिमिक्स फोटोज् हा पर्याय वापरुन फोटोमध्ये बदल करुन तुम्हाला हवं ते कॉम्विनेशनसुध्दा निवडता येईल. 


वेगवेगळे कॉम्बिनेशन्स पाहून एकदा तुम्ही तुम्हाला हवे असलेले कव्हर सिलेक्ट केले की मग, मेक माय कव्हर या बटनावर क्लिक करा. त्यानंतर ही साईट हे पेज आपोआप तुमच्या फेसबुक अकाउंटवर रिडायरेक्ट करेल. आता तुम्ही तुमच्या फेसबुक अकाऊंटवरील चेंज कव्हर या ड्रॉपडाऊन मेनूमधील चूज फ्रॉम फोटोज हा पर्याय निवडून हे जरा हटके असलेले कव्हर सेट करु शकता.