आगळं! वेगळं !!!

शिवीगाळ, मारहाण करण्याचा पोलीसांना परवाना?



एका पोलीस कर्मचाऱ्याला विधानभवनांत मारहाण झाली काय अन् या घटनेचा निषेध आणि संताप व्यक्त करण्यासाठी समाजाच्या सर्वच थरांतून आणि प्रसिध्दी माध्यमांतून चढाओढ सुरु झाली. यांत आपण मागे राहिलो तर, आपण या मारहाणीचे समर्थक आहोत असा संदेश जाईल अशी भितीच जणू काही सगळ्यांना वाटू लागली की काय अशी शंका यायला लागली.
पण सर्वसामान्य माणूस रोजच अशा प्रसंगातून जात असतो. त्याचे दुःख वेशीवर टांगण्यासाठी ही धडपड होताना दिसत नाही. उँचे लोग उँची बाते दुसरं काय?
या प्रकरणांत एकूण त्या पोलीसाला अथवा त्याच्या सहकाऱ्याला शिवी दिली असे त्याचे म्हणणे असल्याचे दिसते. आणि त्याच गोष्टीचा राग येऊन पुढचे सगळे रामायण घडले असे एकंदरित प्रथमदर्शनी वाटते. यावरुन या ऐरणीवर मला सर्वसामान्य माणसाचा मुद्दा आणायचा आहे. यांत आमदारांचा मुद्दा नाही किंवा त्यांच्या कृतीचे समर्थन नाही.
पोलीसाला शिवी दिली किंवा त्याच्यावर हात उचलला तर तो फार मोठा गुन्हा, पण पोलीसांनी सर्वसामान्य नागरिकाला शिवी दिली, मारहाण केली तर तो मात्र गुन्हा नाही हे कसे? ज्या मध्यमवर्गीय पापभिरु सर्वसामान्य माणसांना असा अनुभव आला असेल त्यांना विचारा, की त्यांच्या मनावर याचे काय परिणाम होतात. हे आठवून त्यांची रात्री झोप उडते. मनांवर सतत दडपण येते. मानसिक दृष्ट्या खच्चीकरण होते.
हे पोलीस कसले? हे तर खाकी वर्दीतले संघटीत अधिकृत गुंडच. कधी कधी हे इतके पिसाळतात की, मारहाण करताना यांच्यतला राक्षस जागा होतो तेव्हा त्या मार खाणाऱ्या व्यक्तीचा प्रसंगी जीवही जातो. अशी कित्येक उदाहरणे कित्येक पोलीस स्टेशनमध्ये घडलेली आहेत. आणि पुन्हा त्या व्यक्तिच्या कुटुंबातील लोकांवर दबाव आणून हे लोक सहिसलामत सुटतात हेही तितकेच भीषण सत्य आहे.
तेव्हा या गुंडांना सर्वसामान्य माणसांशी कसे वागायचे? अठरा वर्षाखालील मुलांशी कोणत्या पध्दतीने बोलायचे यांना कोण शिकवणार? कोणत्याही पोलीस स्टेशनमध्ये जा आणि पहा काय चित्र दिसते ते. सर्वसामान्य घाबरणाऱ्या व्यक्तिंना काही कारणास्तव चौकशीसाठी बोलावले असेल तर, कशा प्रकारे शिवीगाळ केली जाते, कसा हात उगारला जातो. यांचे तोंड उघडले तरी गटार वहात असल्याचा भास होतो. पण हप्ते देणाऱ्या अवैध धंदेवाल्यांशी मात्र हसून इज्जत देऊन बोलतात.
कायद्याच्या गोष्टी काय करता? कायद्याने पोलीसांना लोकांना मारहाण करण्याचा आणि शिवीगाळ करण्याचा परवाना दिला आहे काय? तसे असेल तर मग न्यायसंस्थेची गरजच काय? हे स्पष्ट होण्याची गरज आहे, याची कुठेही चर्चा होताना दिसत नाही. स्वतःला शिवी दिली तर मिरची लागते, मग सर्वसामान्य लोकांच्या आई-बहिण रस्त्यावर पडल्या आहेत काय? आणि शिवीगाळ केली मारहाण केली या कारणांवरुन पोलीसांवर जर गुन्हे दाखल व्हायला लागले तर, राज्यातील सर्वच पोलीस स्टेशनमध्ये किती कर्मचारी कामावर दिसतील आणि किती जेलमध्ये बसलेले दिसतील याची कल्पना करा.
सर्वसामान्य माणूस शिवीगाळ ऐकून किंवा गालावर मारलेली चापट खाऊन आतून संतापाने खदखदत असला तरी काय करेल बिचारा? तो तर त्या आमदारांप्रमाणे पोलीसांना मारत नाही. तक्रार करायची तर त्याच्याकडे हेलपाटे मारायला वेळ नाही, कोर्टकचेरी वकील फी यांसाठी तो पैसा खर्च करु शकत नाही. आणि यातून जरी त्याने असे करायचे ठरवले तरी तो शिवीगाळ झाली मारहाण झाली ही गोष्ट कोर्टात सिध्द करु शकेल असे वाटत नाही कारण पोलीस स्टेशनच्या आत घडलेल्या या घटनेला साक्षीदार कोण? तर हे पोलीसच, मग ते आपल्याच सहकाऱ्यांविरुध्द साक्ष देतील काय?
म्हणजे सर्वसामान्य नागरिक इथे रोजच पोलीसांच्या शिव्या खातो, मारहाण सहन करतो. पण याची चर्चा प्रसिध्दी माध्यमांना करावीशी वाटत नाही. सर्वसामान्य माणसांच्या मागे आर्थिक, राजकीय पाठबळ नसल्याने त्याला हा अन्याय वर्षानुवर्षे सहन करावा लागत आहे. मोठ्य़ा पदांवर असणाऱ्यांची चर्चा मात्र स्पर्धा लागल्याप्रमाणे सुरु रहाते. हा विरोधाभास आहे.
अर्थातच प्रत्येक गोष्टींना दोन बाजू असतात, उडदामाजी काळेगोरे असतात. त्याप्रमाणे पोलीसातही काही अपवादात्मक चांगले लोक आहेत. त्यामुळे त्यांनी वाईट वाटून घेण्याचे काहीच कारण नाही. चर्चा होण्याची गरज आहे ती, मस्तवाल पोलीसांची मस्ती कशी उतरेल याची, आणि सर्वसामान्य माणसाला जर काही प्रसंगाने पोलीस स्टेशनमध्ये जावे लागले तर त्याला दिलासा कसा मिळेल याची.

ब्लॉगचा बॅकअप : एक नविन पर्याय



ब्लॉगचा बॅकअप : एक नविन पर्याय


ब्लॉगरमध्ये ब्लॉगचा बॅकअप घेण्यासाठी Settings > Other > Export Blog असा एकमेव पर्याय सध्या उपलब्ध आहे. परंतु त्याद्वारे एकावेळेस केवळ एकच ब्लॉगचा बॅकअप आपण घेऊ शकतो. पण गुगलच्या फारश्या प्रसिध्द नसलेल्या Google Takeout या सुविधेद्वारे ब्लॉगचा बॅकअप घेण्याचा दुसरा एक पर्याय आता उपलब्ध झाला आहे.

गुगलच्या विविध सेवांचा उपयोग सर्वजण करतात. गुगलने विशेष प्रसिध्दी न करता, त्यांच्या उपयोगकर्त्यांना खात्याचा बॅकअप घेण्यासाठी Google Takeout या नावाने एक नविन सुविधा उपलब्ध करुन दिली आहे.

याद्वारे सुविघेद्वारे Google+1s, Blogger, Buzz, Contacts, Drive, Google+ Circles, Google+ Stream, Pages, Picasa Web Albums, Profile, Reader, You Tube इतक्या सेवांचा आपल्या निवडीनुसार डाटा डाऊनलोड करुन घेता येतो.


या सुविधेद्वारे एकापेक्षा अधिक ब्लॉग्जचा बॅकअप सुध्दा एकाच वेळेस घेता येण्याची सोय आहे. आणि तेही आकाराने लहान अशा Zip स्वरुपातील फाईलमध्ये.

Google Takeout चा उपयोग कसा करावा






त्यासाठी प्रथम आपण या लिंकवर क्लिक करा. त्या विंडोमधील Choose Services बटन क्लिक करा. नंतर समोर येणाऱ्या विंडोमध्ये विविध सेवांचे बटन्स दिसतील. त्यापैकी Blogger बटनावर क्लिक करा. नंतर एक बॉक्स समोर येईल, त्यामध्ये एकूण तुमच्या सर्व ब्लॉगच्या Estimated files Size दिसेल. तुम्हाला जर सर्वच ब्लॉग्लचा बॅकअप नको असेल तर, तेथेच दिसणाऱ्या Configure पर्यायावर क्लिक करा. तेथे Download a single blog पर्याय निवडून तुम्हाला पाहिजे तो ब्लॉग निवडा. त्यानंतर खाली दिसत असलेल्या Create Archive वर क्लिक करा. आणि डाऊनलोडसाठी तयार असलेली फाईल डाऊनलोड करुन घ्या. Zip स्वरुपात प्राप्त झालेल्या फोल्डरमध्ये Atom स्वरुपातील फाईल असेल.

याप्रकारे ब्लॉगचा डाटा तुमच्याजवळ सुरक्षित राहील, व प्रसंगानुसार या डाटामधून तुमच्या ब्लॉगमधील लेख Settings > Other > Import Blog पर्यायाने पुन्हा परत मिळविता येतील.

वास्तूशास्त्राचे पुस्तक डाऊनलोड करा मोफत


वास्तूशास्त्राचे पुस्तक डाऊनलोड करा मोफत


वास्तूशास्त्राविषयीचे आकर्षण कुणाला नसते? तर सर्वांनाच असते. आणि त्याविषयी जमेल तशी आणि शक्य असेल तशी माहिती मिळविण्याकडे आणि वाचण्याकडे सर्वांचाच कल असतो. पण हीच भरपूर माहिती एखाद्या पुस्तकरुपाने आपल्या हाती पडल्यास आणि त्यातूनही ई-बुकच्या स्वरुपात चक्क मोफत मिळाल्यास दुधात साखरच म्हणावी लागेल.

तर आज आपण एका अशाच संकेतस्थळाबाबत माहिती घेणार आहोत. या संकेतस्थळांवर आपणांस वास्तूशास्त्राविषयीची माहिती मोफत मिळेल. वास्तूशास्त्र तत्व, तसेच एका बाजूने, दोन्ही बाजूने व तीन्ही बाजूने रस्ता असलेल्या उदाहरणांची अशी तीन चार प्रकारची वास्तूशास्त्राबद्दलची भरपूर  आकृत्या समाविष्ट असलेली ई-पुस्तके पीडीएफ स्वरुपात डाऊनलोड करुन घेता येतील. तसेच याच संकेतस्थळावर धार्मिक संगिताचा मोठा संग्रह ही डाऊनलोड करण्यासाठी उपलब्ध आहे. आपल्या आवडीनुसार आपण धार्मिक संगीतही येथून डाऊनलोड करुन घेऊ शकाल. या संकेतस्थळावर ही सुविधा इंग्रजी व हिंदी या दोन्ही भाषेत उपलब्ध आहे.

या संकेतस्थळाला भेट देण्यासाठी येथे क्लिक करा.

रिमाईंडर्स मिळवा SMS द्वारे


Get Reminders by SMS
कुटुंबातील व नातेवाईकामधील प्रिय व्यक्तिंचे वाढदिवस, लग्नाचा वाढदिवस,  बिलांचे पेमेंट, हप्ते भरणे एक ना अनेक अशा कितीतरी गोष्टी अगदी वेळच्या वेळी न विसरता होणे फार गरजेचे असते, अन्यथा वाढदिवसा दिवशी अभिनंदन केले नाही म्हणून आठवण न ठेवल्याचे निमित्त होऊन प्रियजनांची नाराजी ओढवून घेण्याची वेळ येऊ शकते. किंवा वेळेवर बिल अथवा हप्ता न  भरल्यास प्रसंगी नुकसानही होण्याची भिती असते.
असे होऊ नये यासाठी बहुतेक सर्वजण मोबाईलमधील रिमाईंडर सुविधेचा वापर करतात. आणि तो करायलाच पाहिजे. पण काही प्रसंगी जर हँडसेट रिसेट झाला किंवा गमावला तर त्या मोबाईल हँडसेटमध्ये सेव्ह केलेली सर्व रिमाईंडर्स निरुपयोगी ठरतात.
म्हणून याच्या जोडीला अतिरिक्त म्हणून इंटरनेटवरील आणखी एका मोफत सुविधेचा उपयोग आपण करुन घ्यायला पाहिजे. त्यासाठी गुगल कॅलेंडर हा एक चांगला पर्याय नेटवर उपलब्ध आहे. या सुविधेचा वापर करुन आपण आपले रिमांईंडर्स आपल्या मोबाईल क्रमांकावर एसएमएस द्वारे मोफत मिळवू शकतो.
त्यामुळे मोबाईल हँडसेटचा भविष्यात जरी काही प्रॉब्लेम झाला तरीही आपला मोबाईल क्रमांक तोच असल्यामुळे गुगल कॅलेंडरकडून आपल्याला रिमारईंडर्सचे एसएमएस निरंतर मिळतच राहतील आणि आवश्यक ती कामे वेळच्या वेळी करुन होणारे संभाव्य नुकसान टाळता येईल.


गुगलच्या मुख्य पृष्ठावर वरील बाजूस अनेक पर्याय दिसतात तेथेच हा कॅलेंडरचा पर्याय उपलब्ध आहे. गुगलच्या आपल्या अकाउंटमध्ये लॉगीन होऊन या पर्यायाचा आपण उपयोग करुन घेऊ शकतो. आपल्या पसंतीनुसार रिमाईंडर साठी SMS, Email असे पर्याय निवडून रिमाईंडर वेळेवर किंवा वेळेपूर्वी काही मिनीट, तास, दिवस, आठवडा असे पर्याय वापरुन सेट करु शकता.

Backlink Signature - प्रतिक्रियेखालील सही


Backlink Signature - प्रतिक्रियेखालील सही


आपण जेव्हा कधी दुसऱ्या एखाद्या ब्लॉगवर प्रतिक्रिया नोंदविता, तेव्हा त्याखाली तुमच्या ब्लॉगची Backlink Signature सही त्याखाली करणे फायदेशीर ठरते. त्या लिंकवर क्लिक करणारे वाचक तुमच्या ब्लॉगवर येतात. म्हणजेच तुमच्या ब्लॉगच्या वाचकसंख्येत वाढ होण्यास मदतच होते.

ही सही (Backlink Signature)कशी करायची ते आता पाहू.
खाली दिलेला कोड कॉपी करुन नोटपॅडमध्ये पेस्ट करा.

<a href ='http://nathtel.blogspot.com/' title ='आगळं!वेगळं!!!-जरा हटके'> आगळं!वेगळं!!!</a>

  • यातील http://nathtel.blogspot.com/ लिंकऐवजी तुमच्या ब्लॉगची लिंक टाका. टायटल टॅगमध्ये आगळं!वेगळं!!!-जरा हटके ऐवजी तुमच्या ब्लॉगचे नांव टाका आणि त्यापुढे कॅचलाईन टाका.
  • आता ही नोटपॅड फाईल encoding UTF-8 या पर्यायाने सेव्ह करा.
आगळं!वेगळं!!! या लिंकवर माऊस नेल्यास कॅचलाईनसह नांव दिसते हे खालील उदाहरणावरुन लक्षात येईल.

आगळं!वेगळं!!!

तुम्ही जेव्हा कधी प्रतिक्रिया नोंदवाल तेव्हा त्याखाली या नोटपॅड फाईल मध्ये सेव्ह केलेला कोड कॉपी पेस्ट करा.

अपरोक्ष होणारे मोबाईल कॉल्स कसे टाळावेत

HOW TO STOP UNWANTED OUTGOING CALLS

काही वेळेला आपणांवर असा प्रसंग येतो की, नाईलाजास्तव का होईना पण आपला मोबाईल काही काळ दुसऱ्याच्या स्वाधीन करण्याची पाळी येते. पण त्या काळात त्या व्यक्तीने किंवा इतरांनी आपल्या मोबाईलवरुन कॉल्स करु नयेत अशी आपली मनोमन इच्छा असते. पण समोरच्या व्यक्तीला तसे स्पष्ट सांगण्याचे धाडस आपल्याला होत नाही, किंवा तसे सांगून त्याची नाराजी ओढवून घेणे आपल्याला परवडणार नसते.
प्रसंगानुसार काही काळ मोबाईल तर दुसऱ्याच्या स्वाधीन करायचा आहे, पण लॉक करुन दिला तर समोरच्या व्यक्तीवर विश्वास नाही हे स्पष्ट होते, ते टाळायचे आहे. आणि समोरची व्यक्ती अशी आहे की, तिला बॅलन्स कमी आहे, नेटवर्क प्रॉब्लेम आहे अशा सबबी सांगून उपयोग होणार नाही.
मग अशा परिस्थीत एक अशी युक्ती करावी लागेल, की जी कुणाच्याही लक्षात येणार नाही. आणि आपल्या मोबाईल वरुन आपल्या अपरोक्ष कॉल्सही होणार नाहीत. आता येथे जी ट्रीक सांगितली आहे, ती  सॅमसंग कंपनीच्या हँडसेटवर टेस्ट केलेली आहे.
ट्रीक
मेनू मधून सेटींग्जमध्ये जा. त्यातून अप्लीकेशन सेटींग्जमध्ये जाऊन कॉल हा पर्याय निवडा. त्यातील ऑल कॉल्स पर्याय निवडून शो माय नंबर पर्याय निवडा. त्यात 1) बाय नेटवर्क, 2) सेन्ड व 3) हाईड असे तीन पर्याय दिसतील. त्यापैकी हाईड पर्याय चेक करा व सेव्ह करा.
Menu > Settings>Application Settings>Call>All Calls>Show My Number>1)By Network 2)Send 3)Hide>Check Hide and Save.
आता या मोबाईलवरुन तुम्ही कोणत्याही क्रमांकावर कॉल लावण्याचा प्रयत्न करा. तुम्हाला नेटवर्कचा कोणताही संदेश ऐकू येणार नाही, तर फक्त एरर टोन ऐकू येईल आणि मोबाईलच्या स्क्रीनवर Service Not Allowed असा संदेश दिसून कॉल डिसकनेक्ट होईल.
या मोबाईल वरुन कॉल्स का करता येत नाहीत याचा कुणीही शोध घेण्याचा प्रयत्न केला तरी, सेटींग्ज मध्ये केलेल्या या बदलामुळे कॉल्स लागत नाहीत हे इतरांच्या लक्षात येणे कठीणच आहे.
आपले काम झाल्यावर व मोबाईल पुन्हा आपल्या ताब्यात घेतल्यानंतर पूर्ववत By Network हा पर्याय चेक करुन सेव्ह करायला विसरु नका.


टीप : या ट्रीकचा आणखीन एक उपयोग स्वतःसाठीसुध्दा करता येऊ शकेल. समजा तुमच्या मोबाईलवर फ्री कॉल्सचा एखादा पॅक सुरु आहे, पण मधूनच उपटणारे व्हॅलेंटाईन डे सारखे ब्लॅक आऊट डेज आपल्या लक्षात येत नाहीत. आणि त्यादिवशी फ्री समजून केलेल्या कॉल्सचे पडलेले बिल पाहून आपणाला हळहळ वाटते. तर अशा ब्लॅक आऊट डे दिवशी स्वतः कडून किंवा आपल्या कुटुंबातील सदस्यांकडून सुध्दा अनावधानाने कॉल्स होऊ नयेत यासाठी सुध्दा याचा कल्पकतनेने उपयोग करता येऊ शकेल.

मोबाईलवरुन फ्री बोलत रहाण्याची ट्रीक

How to get free Talktime?


मोबाईलवरुन फ्री बोलत रहाण्याची ट्रीक


शीर्षक वाचून विचारात पडलात ना? पण असे घडू शकते. तुम्ही तुमच्या प्रीपेड मोबाईल वरुन महिनेच्या महिने फ्री बोलत राहू शकता अगदी कोणत्याही नेटवर्कवर. ही हॅकींग ट्रीक नाही किंवा कोणतीही बेकायदेशीर कृतीही नाही. उत्सुकता वाढली ना, चला तर मग सांगूनच टाकतो हे कसं शक्य आहे ते.
या युक्ती लाभ कुणालाही घेता येईल, मात्र त्यसाठी तुमच्याकडे TATA DOCOMO कंपनीचे प्रीपेड कनेक्शन असणे आवश्यक आहे. आणि रुपये 251 एकवेळेस खर्च करावे लागतील. (पण ज्यांच्याकडील मोबाईल मध्ये आधीच 251 रुपयांहून अधिक बॅलन्स शिल्लक असेल, त्यांनी तर डायरेक्ट ही ट्रीक वापरावी, त्यानी पुन्हा 251 रुपये वेगळे खर्च करण्यची गरज नाही.) TATA DOCOMO चे एक 251 रुपयांचे Combo voucher आहे. ते रिचार्ज केल्यास 251 रुपयांचा पूर्ण टॉकटाईम मिळतो, व त्याची Validity लाईफटाईम आहे, आणि त्यासोबत 30 दिवसांसाठी TATA To TATA नेटवर्कसाठी 250 मिनीटे (15,000 सेकंद) व  इतर सर्व नेटवर्ककरितां लोकल 250 मिनीटे (15,000 सेकंद) असे एकूण 500 मिनीटे म्हणजेच 30,000 सेकंद फ्री मिळतात.
आता तुम्ही म्हणाल की, हे रिचार्ज केल्यावरच जर हे 30,000 सेकंद मिळत असतील तर मग त्यात काय विशेष. पण विशेष तर पुढच्या ट्रीकमध्येच आहे. सर्वप्रथम तुम्हाला एकवेळेस हे 251 रुपयांचे रिचार्ज करावे लागेल. त्यानंतर 30 दिवस मनसोक्त बोलून या फ्री 30,000 सेकंदांचा आनंद घ्या (अर्थातच फ्री सेकंदांच्या मर्यादेत राहून, आणि जर का त्याहून अधिक बोलणे झाले तर बॅलन्समधून वजा होतील).
आता असं बघा की, तुम्ही 251 रुपये एकदाच खर्च केले आहेत. तेही टॉकटाईमच्या रुपाने तुम्हाला परत मिळाले आहेतच, आणखीन वर 30,000 सेकंद फ्री. म्हणजेच तुमचा एक पैसाही खर्च झालेला नाही. पण टॉकटाईमध्ये गुंतला आहे इतकेच.

आता वेळ झाली आहे ट्रीक वापरण्याची
 
  • कंपनीच्या वेबसाईटवर जाऊन ऑनलाईन रिचार्ज हा पर्याय निवडा

तुम्ही पहिले 251 रुपयांचे रिचार्ज केल्यानंतर 30 दिवसा नंतर एक पैसाही खर्च न करता हे 30,000 सेकंद पुन्हा पुन्हा कसे मिळवायचे ते पहा. 251 रुपयांचे रिचार्ज करण्यापूर्वी तुमचा आधीचा थोडाफार बॅलन्स निश्चीतच शिल्लक असेल. आणि तुमचे या महिन्यातील बोलणे फ्री सेकंदांच्या मर्यादेत झाले असे गृहित धरले तर, तुमच्या मोबाईल अकाउंटमध्ये 251 रुपयांहून अधिक बॅलन्स शिल्लक होता तो तसाच आताही असणार आहे. आता पुन्हा तुम्हाला हे 30,000 सेकंद फ्री मिळण्यासाठी पुन्हा 251 रुपयांचे रिचार्ज करणे आवश्यक आहे. पण त्यासाठी प्रत्यक्ष 251 रुपये तुम्ही आता पुन्हा खर्च करण्याची गरज नाही.
ट्रीक
 तर त्यासाठी तुम्ही TATA DOCOMO कंपनीच्या वेबसाईटवर जाऊन ऑनलाईन रिचार्ज हा पर्याय निवडायचा आहे. तेथील बॉक्समध्ये तुमचा मोबाईल नंबर टाईप केल्यावर तीन पर्याय दिसतील त्यापैकी Special Recharge हा पर्याय निवडून त्यातील रु.251 चे व्हाऊचर सिलेक्ट करा. त्यानंतर पेमेंटचे 1)  Pay by Your Current Mobile Balance व 2) Pay by Net banking, Credit/debit card असे दोन पर्याय तुम्हाला दिसतील त्यापैकी 1) Pay by Your Current Mobile Balance या पर्यायाची निवड करा. त्यानंतर एक व्हेरीफिकेशनचा कोड नंबर तुमच्या मोबाईलवर एसएमएसने प्राप्त होईल. तो कोड साईटवर दिसत असलेल्या बॉक्समध्ये टाईप करा. म्हणजे रिचार्जची प्रक्रिया पूर्ण होईल.
  
  • तीन पर्यायापैकी Special Recharge हा पर्याय निवडा

  • त्यापैकी रु.251 चे व्हाऊचर सिलेक्ट करा

  • पेमेंटसाठी Pay by Your Current Mobile Balance हाच पर्याय निवडा

आता तुम्ही तुमचा बॅलन्स चेक करा म्हणजे तुम्हाला कळून येईल की, काय घडले आणि काय बिघडले ते. खरे तर काहीच घडले नाही. तुमच्याच बॅलन्समधून 251 रुपये वजा झाले आणि पुन्हा तेच पूर्ण टॉकटाईम म्हणून तुमच्या बॅलन्समध्ये जमा झाले. आणि पुन्हा 30 दिवसांकरिता 30,000 सेकंद फ्री मिळाले. म्हणजेच ही युक्ती वापरल्यामुळे पुन्हा एक पैसाही खर्च न करता 30,000  सेकंद फ्री मिळाले, आणि बॅलन्स आहे तेवढा आहेच. याप्रमाणे दर महिन्याला ही ट्रीक वापरुन तुम्ही काहीही खर्च न करता फ्री बोलत राहू शकता.
महत्वाचे अपडेट : दि. 28 फेब्रु. 2013 पासून या ट्रीकसाठी आवश्यक असलेला Pay by Your Current Mobile Balance हा पर्याय कंपनीने काढून टाकला आहे. त्यामुळे आता ही ट्रीक निरुपयोगी ठरली आहे. वाचकांनी याची नोंद घ्यावी.

कोणत्याही सॉफ्टवेअरशिवाय मराठीतून टाईप कसे करावे

संगणकावर मराठीतून टाईप कसे करावे

[कोणत्याही सॉफ्टवेअरशिवाय]

photo credit: alcomm via photo pin cc

संगणकावर मराठीतून टाईप करण्यासाठी ऑनलाईन आणि ऑफलाईन असे दोन पर्याय उपलब्ध आहेत. त्यापैकी ऑनलाईन हा पर्याय इंटरनेट सुरु असल्याशिवाय वापरता येत नाही, त्यामुळे तो खर्चिक आहे. दुसऱ्या ऑफलाईन पर्यायच्या माध्यमातून संगणकावर मराठीतून टाईपिंग करायचे असेल तर गुगल मराठी इनपुट, बराहा, गमभन यासारख्या वेगवेगळ्या सॉफ्टवेअर्सची मदत घ्यावी लागते. पण यापैकी एकही सॉफ्टवेअर इन्स्टॉल न करता संगणकावर मराठीतून टाईपिंग करण्याची एक सोपी पध्दतसुध्दा आहे, जी आज आपण येथे पहाणार आहोत.

ताटली-बाटली, नोट वाटली

ताटली-बाटली, नोट वाटली

डिझेल भडकेल, रिटेलवरुन तुटेल
होरपळलेली जनता खाली खेचेल
विरोधक उगळतील कोळसा
घटक पक्ष काढतील राजीनामाअस्त्र
कशाचीच चिंता काँग्रेस करत नाही

पंचवार्षिक असो वा मध्यावधी
ताटली-बाटली, नोट वाटली संस्कृती
मतदारांनी जोवर आहे स्विकारली
लिहून ठेवा येणारी निवडणूकही
काँग्रेसने खिशातच घातली

वाचकांच्या सोयीसाठी Table Of Contents

Table Of Contents

(वाचकांच्या सोयीसाठी)


photo credit: ayalan via photo pin cc
 
आगळं! वेगळं!!! वर आपणाला हवी असलेली मागील पोस्ट शोधून वाचणं थोडसं त्रासदायक होत होतं. पण ते काम आता अधिक सोपं झालं आहे. आगळं! वेगळं!!! वर सुरुवातीपासून आजवर प्रसिध्द झालेल्या सर्व पोस्टची सविस्तर म्हणजे Post Title, Post Date, Labels नुसार यादी आता आपण मेनूबारवरील All Posts या लिंकवर क्लिक करुन वाचू शकाल.

टॉरेन्ट फाईल डाऊनलोड करा इंटरनेट डाऊनलोड मॅनेजरव्दारे

बरीचशी सॉफ्टवेअर्स, मूव्हीज आणि गेम्स आपल्याला टॉरेन्ट फाईलच्या माध्यमातून मिळतात. पण या टॉरेन्ट फाईल डाऊनलोड करण्यासाठी बराच वेळ लागतो. आणि तो कालावधी सीडस् आणि इतर काही गोष्टीवर अवलंबून असू शकतो. तसे पहाता टॉरेन्ट फाईल डाऊनलोड करणे ही एक प्रदिर्घ आणि वेळखाऊ प्रक्रिया आहे असे म्हटले तरी वावगे ठरणार नाही. निदान मोबाईलच्या माध्यमातून 2G च्या मंदगतीने इंटरनेटचा वापर करणारांना तरी हे विधान लागू पडते.


तरी पण ही कंटाळवाणी प्रक्रिया टाळून त्याऐवजी याच टॉरेन्ट फाईल्स आपणाला इंटरनेट डाऊनलोड मॅनेजरव्दारे अधिक वेगाने व जलदरित्या डाऊनलोड करुन घेणे शक्य आहे. त्यासाठी या वेबसाईटवर जाऊन तेथील बॉक्समध्ये टॉरेन्ट फाईलची लिंक किंवा मॅग्नेट लिंक पेस्ट करावी व गो वर क्लिक करुन नंतर फ्री वर क्लिक करावे. त्यानंतर आपण ही .झीप मध्ये रुपांतरीत झालेली टॉरेन्ट फाईल  इंटरनेट डाऊनलो़ड मॅनेजरव्दारे वेगाने डाऊनलोड करुन घेऊ शकतो.